У Нацыянальным цэнтры электронных паслуг 9 верасня прайшоў семінар па пытаннях укаранення і функцыянавання Беларускай інтэграванай сэрвісна-разліковай сістэмы (далей – БIСРС). Удзельнікамі сустрэчы сталі кіраўнікі дзяржаўных органаў і арганізацый, адказныя за інфарматызацыю, а таксама работнікі, непасрэдна задзейнічаныя ў мерапрыемствах па ўкараненні і аказанні сэрвісаў з выкарыстаннем ID-карты ў рамках БІСРС.
На семінары былі закрануты наступныя пытанні:
- выдача біяметрычных пашпартоў і ID-карт;
- арганізацыйная схема функцыянавання БІСРС (кампаненты БІСРС);
- магчымасці стэнда адзінай сістэмы ідэнтыфікацыі фізічных і юрыдычных асоб;
- парадак падлучэння і працы ў БІСРС;
- узаемадзеянне спажыўцоў інфармацыі, прадстаўнікоў дзяржавы ў рамках БІСРС.
Аб патрабаваннях да інфраструктуры БІСРС і працоўных месцаў, а таксама аб інтэграцыі інфармацыйных рэсурсах у рамках БІСРС расказаў першы намеснік дырэктара НЦЭП Сяргей Руднеў. Алгарытмам атрымання паслуг, пераліку сэрвісаў, парадку пераводу адміністрацыйных працэдур у электронны выгляд прысвяціла свой выступ намеснік дырэктара па камерцыйных пытаннях НЦЭП Наталля Кочына.
Падобныя семінары будуць арганізаваны на базе абласных выканаўчых камітэтаў, Мінскага гарадскога выканаўчага камітэта з запрашэннем падначаленых і падведамасных арганізацый.
