30 мая Нацыянальная бібліятэка Беларусі стала пляцоўкай для абмеркавання пытанняў лічбавай трансфармацыі аўтатранспартнага бізнесу.
На пляцоўках бізнес-форуму «Аўтатранспартны бізнэс: перазагрузка 4.0» сустрэліся прадстаўнікі міжнародных арганізацый, міністэрстваў, кіраўнікі транспартных, лагістычных і IT-кампаній, фінансавых устаноў.
Сярод тэм для абмеркавання: пытанні лічбавай трансфармацыі сферы міжнародных аўтамабільных перавозак, напрамкі развіцця мультымадальных схем дастаўкі грузаў, тэхналогіі забеспячэння лічбавага нагляду за таварамі і транспартнымі сродкамі, пытанні сертыфікацыі сістэм мэнеджменту якасці, механізмы фінансавай падтрымкі інавацыйнага развіцця транспартных кампаній і інш.
На практычнай сесіі бізнес-форуму выступіў Дзмітрый Маскалёў, намеснік начальніка рэспубліканскага сведчага цэнтра НЦЭП, з аповедам аб практыцы прымянення электроннага лічбавага подпісу ДзяржСКАК у дзяржаўных інфармацыйных сістэмах Рэспублікі Беларусь, рэалізацыі пілотнага праекта па трансгранічным электронным абмене юрыдычна значнымі гандлёвымі дакументамі з выкарыстаннем сэрвісу даверанага трэцяга боку.
