З 14 мая электроннай паслугай 3.29.01 “Перадача інфармацыі аб замежных грамадзянах і асобах без грамадзянства, якія часова прыбываюць у Рэспубліцы Беларусь” стала зручней карыстацца з мабільных прыладаў.
Нагадваем, што ЭП 3.29.01 могуць скарыстацца юрыдычныя і фізічныя асобы, якія аказваюць паслугі па здачы ўнаём (паднаём) жылых памяшканняў, якія ў адпаведнасці з патрабаваннямі артыкула 43-1 Закона Рэспублікі Беларусь “Аб прававым становішчы замежных грамадзян і асоб без грамадзянства ў Рэспубліцы Беларусь” абавязаны на працягу 3 гадзін прадастаўляць у органы ўнутраных спраў інфармацыю аб замежных грамадзянах і асобах без грамадзянства, якія часова знаходзяцца ў Рэспубліцы Беларусь.
Спажыўцамі электроннай паслугі з'яўляюцца:
- гасцініцы;
- санаторна-курортныя і аздараўленчыя арганізацыі;
- суб'екты аграэкатурызму;
- юрыдычныя асобы і індывідуальныя прадпрымальнікі, якія аказваюць паслугі па здачы ўнаём (паднаём) жылых памяшканняў.
Вынік аказання ЭП 3.29.01 – электроннае паведамленне аб паспяховай перадачы звестак у органы ўнутраных спраў Рэспублікі Беларусь.
