Кожны дзень колькасць уладальнікаў ключоў электроннага лічбавага подпісу ў Беларусі павялічваецца ў сярэднім на тысячу. Пачынаючы з 30 чэрвеня 2014 года, у нашай рэспубліцы выдадзена больш за 830 тысяч ключоў ЭЛП, якімі карыстаюцца як звычайныя грамадзяне, так і арганізацыі.
Бізнес ужо паспеў ацаніць новы анлайн-сэрвіс ад Нацыянальнага цэнтра электронных паслуг. Рашэнне дазваляе падоўжыць сертыфікат ЭЛП юрыдычным асобам выдалена, без звароту ў рэгістрацыйны цэнтр.
Навацыя чаканая, бо яшчэ вясной НЦЭП запусціў падобны сэрвіс для фізічных асоб і індывідуальных прадпрымальнікаў. Розніца толькі ў тым, што запыт супрацоўніка кампаніі на падаўжэнне сертыфіката ЭЛП дублюе кiраўнiк юрыдычнай асобы. Як скарыстацца сэрвісам на адзіным партале электронных паслуг, распавёў спецыяліст аддзела электроннай камерцыі НЦЭП Дзяніс Сакратароў у праграме «Наша раніца» на тэлеканале «АНТ».
