З 9 сакавіка на адзіным партале электронных паслуг для юрыдычных асоб даступна паслуга 3.32.01 «Прадастаўленне інфармацыі па дзеючых сертыфікатах дзяржаўнай сістэмы кіравання адкрытымі ключамі праверкі электроннага лічбавага подпісу Рэспублікі Беларусь».
Паслуга дазваляе атрымаць інфармацыю аб дзеючых сертыфікатах адкрытых ключоў, выдадзеных РСЦ ДзяржСКАК. Пошук інфармацыі можна ажыццявіць па УНП або рэгіёну.
Інфармацыя аб дзеючых сертыфікатах падаецца ў рэжыме рэальнага часу ў форме справаздачы па зададзеных параметрах і ўключае ў сябе наступныя дадзеныя:
- УНП;
- рэгіён;
- найменне арганізацыі-ўладальніка адкрытага ключа;
- прозвішча;
- пасада;
- тэрмін дзеяння;
- адрас электроннай пошты.
Паслуга прадастаўляецца па доступе са строгай аўтэнтыфікацыяй (доступ з выкарыстаннем асабістага ключа ЭЛП карыстальніка) і даступная ў асабістым кабінеце.
Для атрымання паслугі неабходна:
- атрымаць сродкі электроннага лічбавага подпісу ў адным з рэгістрацыйных цэнтраў;
- запоўніць электронную заяўку на атрыманне паслугі;
- заключыць дагавор на аказанне паслуг;
- прайсці аўтэнтыфікацыю на партале.
