На адзіным партале электронных паслуг даступная новая электронная паслуга 3.25.04 «Прадастаўленне звестак аб месцы працы па працоўным дагаворы застрахаванай асобы за перыяд» з дзяржаўнага інфармацыйнага рэсурсу «Рэестр індывідуальных асабовых рахункаў застрахаваных асоб у сістэме індывідуальнага (персаніфікаванага) уліку ў сістэме дзяржаўнага сацыяльнага страхавання» .
Паслуга дазваляе атрымаць дадзеныя пра перыяды занятасці застрахаванай асобы і наймальніка (УНП, найменне арганізацыі), які ў гэтыя перыяды выплачваў абавязковыя страхавыя ўзносы за застрахаваную асобу. Пошук інфармацыі ажыццяўляецца па страхавым нумары індывідуальнага асабовага рахунку застрахаванай асобы, які ў большасці выпадкаў адпавядае ідэнтыфікацыйнаму нумару, паказанаму ў дакуменце, які засведчвае асобу.
Спажыўцы электроннай паслугі ААІС 3.25.04: ваенныя камісарыяты (яго адасобленыя падраздзяленні), Генеральная пракуратура і тэрытарыяльныя пракуратуры, органы ўнутраных спраў, Дзяржаўны мытны камітэт, мытні, падатковыя органы, Аператыўна-аналітычны цэнтр пры Прэзідэнце Рэспублікі Беларусь, Служба бяспекі Прэзідэнта Рэспублікі Беларусь, органы дзяржаўнай бяспекі, Вярхоўны Суд, органы сістэмы Следчага камітэта, органы прымусовага выканання, судовыя выканаўцы, суды агульнай юрысдыкцыі, органы сістэмы камітэта дзяржаўнага кантролю, органы памежнай службы, іншыя спажыўцы ў адпаведнасці з заканадаўчымі актамі па ўзгадненні з Фондам сацыяльнай абароны насельніцтва Міністэрства працы і сацыяльнай абароны насельніцтва Рэспублікі Беларусь.
Паслуга таксама даступная па тэхналогіі «сістэма-сістэма».
