У рэспубліканскім сведчым цэнтры адбылася цырымонія ўручэння памятнага сертыфіката ўладальніку 900-тысячнага ключа электроннага лічбавага подпісу. Ім стала індывідуальны прадпрымальнік з Мінска Анастасія Яскавец.
Да выпуску 900-тысячнага ключа электроннага лічбавага подпісу Беларусь прайшла шлях у некалькі гадоў, адзначыў на цырымоніі першы намеснік дырэктара НЦЭП Сяргей Руднеў:
– Калі ў 2014 годзе электронныя лічбавыя подпісы былі ў навіну для насельніцтва і бізнеса, то сёння ЭЛП – гэта звычайная з’ява. Дзякуючы электроннаму лічбаваму подпісу бізнес можа вельмі эфектыўна ўзаемадзейнічаць з дзяржавай і не марнаваць час на наведванне розных дзяржаўных офісаў. Напрыклад, для падачы падатковай дэкларацыі і розных дакументаў у Фонд сацыяльнай абароны насельніцтва, а таксама ў іншыя дзяржаўныя органы.
Сёння бізнес актыўна выкарыстоўвае ЭЛП. У мінулым годзе Нацыянальным цэнтрам электронных паслуг распрацаваны новыя сэрвісы – вы можаце падоўжыць сертыфікат ЭЛП, тэрмін дзеяння якога скора скончыцца, анлайн.
Памятны сертыфікат ад Нацыянальнага цэнтра электронных паслуг Анастасіі Яскавец уручыла намеснік дырэктара НЦЭП па камерцыйных пытаннях Наталля Кочына:
– У чацвёртым квартале 2020 года НЦЭП запусціў сэрвісы па выдаленым падаўжэнні сертыфіката адкрытага ключа. І стала, сапраўды, нашмат зручней падаўжаць сертыфікат ЭЛП як грамадзянам і індывідуальным прадпрымальнікам, так і прадстаўнікам юрыдычных асоб. Мы спадзяемся, што гэтыя новыя анлайн-сэрвісы дадалі выгоды ў жыцці нашых спажыўцоў, таму што яны атрымалі новую магчымасць – не выходзячы з офіса або дома падоўжыць ключ электроннага лічбавага подпісу, такім чынам, зэканоміўшы свой каштоўны час на наведванні рэгістрацыйных цэнтраў.
З моманту запуску сэрвісаў па дыстанцыйным падаўжэнні сертыфіката ЭЛП імі скарысталіся больш за 2,5 тысяч уладальнікаў электроннага лічбавага подпісу, у тым ліку больш за 500 уладальнікаў – у студзені 2021 года.
Таццяна Ускова, прэс-сакратар НЦЭП
Фота Раміля Насібуліна і Надзеі Смалюк
