У воблачным сховішчы размяшчаюцца выдадзеныя падпісчыкам сертыфікаты адкрытых ключоў ЭЛП, а таксама праграмнае забеспячэнне (GSec-client, КП, КПСІС).
Рэквізіты доступу (лагін і пароль) да выдадзеных сертыфікатаў ЭЛП выдаюць рэгістратары ў рэгістрацыйных цэнтрах пры атрыманні паслугі РСЦ ДзяржСКАК.
Пры дыстанцыйным атрыманні сертыфіката рэквізіты доступу адлюстроўваюцца ў асабістым кабінеце адзінага партала электронных паслуг, а таксама накіроўваюцца на e-mail і ў SMS-паведамленні.
Рэквізіты доступу да праграмнага забеспячэння накіроўваюцца карыстальніку на e-mail і ў sms-паведамленні пасля запаўнення формы для запампоўкі.
