Сёння ў Мінску стартаваў рэспубліканскі форум жанчын-прадпрымальнікаў «Энергія і стварэнне» – падзея, якая аб'ядноўвае паспяховых і амбіцыйных жанчын, якія ствараюць і развіваюць бізнес у Беларусі.
На форуме абмяркоўваюцца ключавыя пытанні развіцця прадпрымальніцтва, цыфравізацыі бізнесу, падтрымкі інавацыйных праектаў і стварэння камфортнага дзелавога асяроддзя. Сярод спікераў-прадстаўнікі вядучых арганізацый і эксперты ў сферы эканомікі і лічбавых тэхналогій.
Адной з ключавых тэм форуму стала лічбавая трансфармацыя бізнесу, і ў гэтым кантэксце асаблівую ўвагу прыцягнуў даклад начальніка аддзела электроннай камерцыі Нацыянальнага цэнтра электронных паслуг Святланы Мікалаеўны Караневіч. У сваім выступе на тэму «Экасістэма электроннага ўрада для трансфармацыі бізнесу» яна распавяла аб магчымасцях лічбавых сэрвісаў, якія дапамагаюць прадпрымальнікам адаптавацца да сучасных патрабаванняў рынку, павышаць эфектыўнасць і пашыраць перспектывы развіцця.
