З 16 па 18 верасня ў Санкт-Пецярбургу праходзіла XXIII міжнародная канферэнцыя па праблематыцы інфраструктуры адкрытых ключоў і электроннага подпісу «PKI-Форум Расія 2025».
PKI-Форум —міжнародная пляцоўка, на якой разглядаюцца самыя актуальныя пытанні электроннага подпісу і інфраструктуры адкрытых ключоў, крыптаграфічнай абароны інфармацыі, электроннага юрыдычна значнага дакументазвароту — усё тое, што ўжо стала неад'емнай часткай дзелавых працэсаў усіх галін улады, бізнэсу і грамадзян.
Склад удзельнікаў канферэнцыі — прадстаўнікі органаў дзяржаўнай улады, прадпрыемстваў рэальнага сектара эканомікі, фінансавых арганізацый, рытэйла, вендараў, аператараў ЭДА, міжнародных і грамадскіх арганізацый.
Традыцыйна на PKI-Форуме прынялі ўдзел прадстаўнікі Нацыянальнага цэнтра электронных паслуг. У 2025 годзе НЦЭП на Форуме прадстаўляў Дзмітрый Маскалёў, намеснік начальніка Рэспубліканскага сведчага цэнтра.
У рамках сэсіі «Трансгранічнае прызнанне замежнага электроннага подпісу» быў прадстаўлены даклад на тэму: «Статус, праблемныя пытанні і перспектывы рэалізацыі пагадненняў аб узаемным прызнанні ЭЛП паміж Беларуссю і Расіяй». У ходзе выступлення былі агучаны вынікі дзеючых пагадненняў, прапанаваны механізмы праверкі паўнамоцтваў падпісантаў, а таксама прадстаўлена статыстыка па абмене таварнымі электроннымі дакументамі паміж дзвюма краінамі.
