У рамках праведзеных НЦЭП работ па перапрафіляванні і мадэрнізацыі сістэмы абароненай электроннай пошты для дзяржаўных органаў і арганізацый была распрацавана і ўведзена ў эксплуатацыю сістэма абароненай электроннай пошты для дзяржаўных органаў (далей – сістэма «Паштар»).
НЦЭП з’яўляецца адзіным распрацоўшчыкам і праваўладальнікам сістэмы «Паштар» і перадачу правоў на яе абслугоўванне і суправаджэнне іншым бакам не ажыццяўляла.
Сістэма «Паштар» прызначана для абмену адкрытай інфармацыяй паміж дзяржаўнымі органамі і арганізацыямі Рэспублікі Беларусь, за выключэннем афіцыйных дакументаў. Дакументы, якія падлягаюць рэгістрацыі (уваходныя, выходныя і ўнутраныя дакументы), адпраўцы з дапамогай сістэмы «Паштар» таксама не падлягаюць.
Файл актуальных адрасоў абанентаў паслугі сістэмы «Паштар» размешчаны на афіцыйным сайце https://mail.gov.by/.
НЦЭП адпавядае патрабаванням, устаноўленым пунктам 2 артыкула 16 Закона Рэспублікі Беларусь ад 13.07.2012 № 419-З «Аб дзяржаўных закупках тавараў (работ, паслуг)».
Па пытаннях аказання паслуг звяртайцеся ў кантакт-цэнтр НЦЭП.
