Апошнія жнівеньскія выходныя прайшлі ў НЦЭП пад знакам рыбалкі. Турнір па рыбнай лоўлі стаў цэнтральнай тэмай тымбілдынгу на маляўнічай аграсядзібе "Адпачынак на паляне" на беразе Чыгірынскага вадасховішча.
Змяніць дзелавы касцюм на рыбацкую амуніцыю, выйсці са звыклай карпаратыўнай ролі, уразіць калегаў музычным або кулінарным талентам - усё гэта, безумоўна, спрыяе фарміраванню цёплага сяброўскага клімату ў калектыве, дазваляе па-новаму зірнуць адзін на аднаго і даць стымул да развіцця новых камунікацый паміж супрацоўнікамі, якія стануць асновай дружнай згуртаванай каманды, што абавязкова адаб'ецца і на вырашэнні вытворчых задач.
