З 15 снежня абноўлены склад даных, якія прадастаўляюцца пры аказанні электроннай паслугі 3.58.01 «Прадастаўленне сістэматызаваных звестак аб аўтамабілі».
Цяпер у выніку аказання электроннай паслугі з аўтаматызаванай інфармацыйнай сістэмы «Белтэхагляд» прадастаўляецца інфармацыя не толькі аб апошнім тэхнічным аглядзе транспартнага сродку, а гісторыя яго праходжання за мінулыя 10 гадоў (пры наяўнасці).
Абнаўленне складу атрымліваемых даных не адбілася на кошце электроннай паслугі, яна па-ранейшаму складае 3,36 руб.
Нагадваем, што інфармацыя аб прабегу транспартнага сродку, якая прадастаўляецца ў рамках паслугі, уносіцца ў аўтаматызаваную інфармацыйную сістэму «Белтэхагляд» выключна работнікамі дыягнастычных станцый з лістапада 2021 г. Да гэтага часу – са слоў уладальніка транспартнага сродку.
